ఎంపీ విందులో ఉచితంగా మద్యం మందుబాబులు ఏం చేశారో చూడండి!

ఉచితంగా మందు పంపిణీ చేస్తే.. మందుబాబుల ఆనందానికి హద్దు ఉంటుందా. కర్ణాటకలో బీజేపీ ఎంపీ మద్దతుదారులు ఏర్పాటు చేసిన కార్యక్రమంలో ఉచితంగా ‘మద్యం’ పంపిణీ చేయడం చర్చనీయాంశమయింది. దీనికి భారీ సంఖ్యలో ముందుప్రియులు క్యూ కట్టగా.. పోలీసులే బందోబస్తు నిర్వహించడం గమనార్హం. ఈ నేపథ్యంలో బీజేపీపౖౖె డిప్యూటీ సీఎం డీకే శివకుమార్‌ తీవ్ర విమర్శలు గుప్పించారు. ఈవ్యవహారంపై ఆ పార్టీ జాతీయ అధ్యక్షుడు క్లారిటీ ఇవ్వాలని డిమాండ్‌ చేశారు. కర్ణాటక మాజీ మంత్రి, భాజపా నేత కె.సుధాకర్‌ ఇటీవల లోక్‌సభ ఎన్నికల్లో చిక్కబళ్లాపుర్‌ నుంచి విజయం సాధించారు. ఈ సందర్భంగా స్థానికంగా కృతజ్ఞత కార్యక్రమం ఏర్పాటు చేసిన ఆయన మద్దతుదారులు.. ఉచితంగా మద్యం పంపిణీ చేపట్టారు. దీనికి జనం ఎగబడ్డారు.ఆ తతంగాన్నంతా పోలీసులు పర్యవేక్షించారు. దీనిపై జేపీ నడ్డా స్పష్టతనివ్వాలని శివకుమార్‌ డిమాిండ్‌ చేశారు.