టీ షర్ట్‌లు, చినిగిన జీన్స్‌తో కళాశాలకు వచ్చారా.. ఇంతే!

విద్యార్థుల ఫ్యాషన్‌కు చెక్‌ పెట్టింది ఆ కళాశాల. విద్యార్థులు హిజాబ్‌ ధరించడాన్ని నిషేధించి ఇటీవల వార్తల్లో నిలిచింది చెంబూర్‌ ట్రాంబే ఎడ్యుకేషనల్‌ సొసైటీ.. తాజాగా టీషర్ట్‌లు, చిరిగిన జీన్స్‌పైనా నిషేధం విధించింది. తమ కళాశాలకు వచ్చే విద్యార్థులు సాంస్కృతిక అసమానతల్ని సూచించే దుస్తులతో రావొద్దని ఆదేశించింది. ముంబయిలో ఈ సొసైటీ నిర్వహిస్తోన్న ఎన్‌జీ ఆచార్య, డీకే మరాఠే కళాశాలల్లో చిరిగిన జీన్స్‌, టీషర్టులు, జెర్సీలతో వస్తే అనుమతించబోమని.. ఫార్మల్‌, డీసెంట్‌ దుస్తులతో పాటు హాఫ్‌ లేదా ఫుల్‌ షర్ట్‌, ప్యాంటు ధరించవచ్చని సూచించింది. అమ్మాయిలు భారతీయ లేదా పాశ్చాత్య దుస్తులు ధరించినా అభ్యంతరం లేదని పేర్కొంటూ జూన్‌ 27న నోటీసు జారీ చేసింది.